ژولیا پارسي د افغانستان د ښځو د خودجوش تحریک جګپوړې غړې نن طالبانو په کابل کې نیولې ده.
د دې غورځنګ یوې غړې لیلا بسیم ازادي راډیو ته دا خبر تایید کړ او ویې ویل چې د اغلې پارسي زوی هم طالبانو نیولی او کله چې یې په خپله ژولیا پارسي نیوله د هغې کور یې تالاشي کړی او یو شمېر اسناد یې هم ورسره وړې دي.
طالبانو تر اوسه د اغلې پارسي د نیولو په اړه څه نه دې ویلي.
څو ورځې مخکې د همدې خودجوش تحریک بله غړې ندا پرواني طالبانو نیولې وه چې لاهم د طالبانو په بند کې ده.