د ملګروملتونو د کډوالو عالي کمیشنرۍ، یو ان ایچ سي آر د کابل اړوند یوه کلیوالي سیمه کې د بنسټیزو روغتیایي خدمتونو د یوه مرکز د جوړیدو خبرورکوي.
د دې کمیشنرۍ د افغانستان څانګې پرون یکشنبې په خپله اېکس پاڼه کې ویلي، چې دغه مرکز به چې د کابل د نولسمې ناحیې په شنې ژورې Shna Zhawara کلي کې جوړیږي، ۲۰۰۰ کسانو ته بنسټیز روغتیایي خدمات ترسره کوي.
د دې کلي یوه مشرملک سرور ویلي، د دې کلي خلک به نور مجبورنه وي چې پنځه کیلومتره لاره ووهي ترڅو نژدې روغتون ته ځان ورسوي.
د کډوالو عالي کمیشنیرۍ په یوه جلا پوسټ کې له خپلو ټولو مرستندویانو د دوامداره مرستو په خاطرمننه کړې ده.