د ایران ولسمشر ابراهیم رییسي وایي، که د ولسمشر جو بایډن اداره لېوالتیا ولري چې د ۲۰۱۵م کال هستوي تړون ته وروګرځي، د تهران او واشنګټن اړیکې پرمختګ کولای شي.
رییسي چې د ملګرو ملتونو په عمومي اسامبله کې د ګډون په هدف نیویارک ته تللی د چهارشنبې په ورځ خبریالانو ته ویلي، د دې کار لومړنی ګام باید د بندیزونو لرې کول وي.
هغه وایي، امریکایانو له څو لارو ورسره اړیکه نیولې او په خبره یې خبرو ته لېوالتیا لري.
د ایران ولسمشر وایي، دوی باور لري چې دا ډول خبرې باید له عملي اقداماتو سره یوځای ترسره شي.
د امریکا پخوانی ولسمشر ډونالډ ټرمپ په ۲۰۱۸ کال کې د ایران او د نړۍ د لویو قدرتونو ترمنځ له شوي اټومي تړون نه ووت.
په همدې حال کې د اټومي انرژۍ نړیوالې ادارې د روانې میاشتو په لومړیو کې وویل چې ایران د یورانیمو د پخولو چارې د وسلو جوړولو کچې ته راټیټ کړي دي.