د افغانستان د ازادۍ جبهې په نوم د طالبانو یوه مخالفه ډله ادعا کوي چې کابل کې یې د طالبانو د حکومت ۷ غړو ته مرګ ژوبله اړولې.
دغې جبهې پر خپله ایکس پاڼه ویلي چې دغه چریکي برید یې پرون ماښام د کابل په بادام باغ سیمه کې د طالبانو پر یوه پوسته کړی چې نتیجه کې یې د دوی په ټکو ۴ تنه وژل شوي او ۳ نور ټپيان دي.
د طالبانو د حکومت امنیتي سرچینو تراوسه د دغه ادعا شوي برید په تړاو څه نه دي ویلي.
ازادي راډیو هم په خپلواک ډول د خبر پخلی نه شي کولای.