د اروپايي پارلمان یوې غړې حنا نیومن پرون پنجشنبې اعلان وکړ چې د زده کړو د حقونو درې افغان فعالان د ۲۰۲۳ کال د ساخاروف جایزې ته نومول شوي دي.
د قلم ټولنې موسس مطیعالله ویسا، پرستو حکیم، او مرضیه امیري هغه درې افغانان دي چې د زده کړو د حق لپاره د هڅو په خاطر دې معتبرې جایزې ته کاندید شوي دي.
اغلې نیومن په ایکسپاڼه یا پخواني ټویټر کې کښلي: "دا زړه ور کسان پټ ښوونځي اداره کوي، لېرې سیمو ته سفر کوي او له لېرې د زده کړو اسانتیا برابروي."
حنا نیومن د اروپايي پارلمان له ۵۰ نورو غړیو سره یوځای پرېکړه کړې چې مطیعالله ویسا، مرضیې امیري او پرستو حکیم د ساخاروف جایزې ته ونوموي.