د طالبانو تر کنټرول لاندې د سالنګونو د ساتنې او څارنې رییس عبدالحلیم اغا د شنبې په ورځ ازادي راډیو ته وویل، د سالنګ لویه لار به سر له سبا یکشنبې د هر ډول مسافر وړونکو او بار وړونکو موټرو پر مخ تر نامعلوم وخت پورې وتړل شي.
د سالنګونو د تړل کېدو علت د دې لویې لارې بیارغونه ښودل شوی ده.
تر دې مخکې د شپې له خوا موټرو په نوبت له دې لارې تګ راتګ کاوه.
د سالنګ لویه لاره یوازېنۍ لار ده چې د افغانستان مرکز له شمال سره نښلوي.