د اوکراین هوايي ځواک وايي، چې د هوايي مدافعې سیسټم یې د روسیې له ۲۵ ډرونونو څخه ۲۲ راغورځولي دي.
اوکرایني چارواکو نن وویل، د روسیې دا بې پیلوټه الوتکې په جنوبي ښار اودیسې کې د دانیوب سیند پر بندري تاسیساتو د برید پرمهال په نښه شوې دي.
د دوی په وینا دې بریدونو دوه ملکي وګړي ټپیان کړي دي.
مسکو تراوسه په دې اړه څه نه دي ویلي.
د ملګروملتونو او ترکیې په منځګړتوب د تړون تر فسخ کېدو وروسته دانیوب سیند، د اوکراین د غلې د صادراتو په اصلي لاره بدل شوی دی.