د امریکا پخوانی ولسمشر ډونالډ ټرمپ د جورجیا د اتلانتا په فولټن زندان د ۲ لکه ډالرو د ضمانت په وثیقې ازاد شو.
ټرمپ د تورونو د اورېدو لپاره زندان ته ورغلی و.
هغه په هوایي ډګر کې خبریالانو ته وویل، چې هېڅ غلط کار یې نه دی کړی او زیاته یې کړه چې د هغه حق دی د ټاکنو پایلې وننګوي.
ټرمپ تازه له دوه نیمو کلونو وروسته یو وار بیا ایکس شبکې ته چې پخوا ټوېتر نومېده راستون شوی.
هغه په خپل اولني بیان کې د خپل عکس په خپرولو سره لیکلي: «د ټاکنو مداخلې، هېڅکله مه تسلیمیږه!»
د راپورونو له مخې، د ټرمپ همدا عکس په زندان کې هغه ته د تورونو د بیانولو پر وخت اخیستل شوی.
په جورجیا کې په ټرمپ باندې دعوه شوې چې د ټاکنو د پایلو د بدلون لپاره یې هڅه کړې ده.
ټرمپ د ۲۰۲۴ کال د ټاکنو لپاره د جمهوري غوښتونکو مخکښ نوماند هم دی.