د افغانستان لپاره د ملګروملتو د بشري حقونو ځانګړي راپورورکوونکي ریچارد بینیت پرون (پنجشنبې) په برلین کې د جرمني د بهرنیو چارو له وزیرې انالنا بربوک سره ولیدل.
د جرمني د بهرنیو چارووزارت وویل، چې د دغه هیواد د بهرنیو چارو وزیرې له ریچارد بینیت سره په کتنه کې وویل، چې هیواد یې د افغانانو د بشري حقونو له ملاتړه لاس نه اخلي او له هغوی سره یې پیوستون ماتېدونکی نه دی.
د جرمني د بهرنیو چارو وزارت همداراز ویلي، چې په دې کتنه کې دواړو خواوو د افغانستان د روان وضعیت او د افغانانو د ملاتړ پر لارو چارو خبرې وکړې.
له بلې خوا بینیت پر خپله ټویټر یا ایکس پاڼه کښلي، چې د جرمني له بهرنیو چارو وزیرې سره په افغانستان کې د بشري حقونو د نازک وضعیت په اړه ږغېدلی دی.