پاکستاني رسنیو پرون راپور ورکړ، چې په دغه هیواد کې د حیاتي ناروغیو د درملو بیه څه باندې ۲۵ سلنه لوړه شوې ده.
د پاکستان د درملو د تنظیم ادارې ویلي چې حکومت د سرطان په شمول د حیاتي ناروغیو د بیې لوړېدا تصویب کړې ده.
پر سرطان سربېره د وینې د لوړ فشار، تبې، ساتنګۍ او نورو ناروغیو درمل هم په هغه لیست کې شامل دي، چې بیې یې ۲۵ سلنه لوړې شوې دي.
د پاکستان د درملو د تنظیم د ادارې په خبرپاڼه کې ویل شوي، چې د سرطان د بورتیزومپ د پېچکارۍ بیه ۱۷ زره ۵۱۳ روپۍ لوړه شوې ده.
ډیری افغانان هم د سرطاني ناروغیو د درملنې لپاره پاکستان ته ځي.