هند وايي، په افغانستان کې د بشري بحران له کبله د مرستو لپاره د ملګروملتو د غوښتنو په ځواب کې یې افغانستان ته تراوسه پورې څه باندې پنځوس زره ټنه غنم لیږلي دي.
هندي رسنیو پرون (پنجشنبې) راپور ورکړ، چې د هند حکومت د ۴۷ زره ۵۰۰ ټنه غنمو ترڅنګ ۲۰۰ ټنه درمل هم استولي دي.
د هند دا مرستې د ایران د چاه بهار بندر له لارې د افغانستان هرات ولایت ته لېږدول شوي دي.
د هندي رسنیو پر اساس، د ملګروملتو د خوړو نړیوال پروګرام په وروستي ټویټ کې د هند پر دې مرستې ژوره خوښي څرګنده کړې ده.