د طالبانو حکومت وایي د دوی دارالافتا بهر ته د جهاد په نوم د جنګیالیو لېږل منع کړي.
دا خبره ذبیح الله مجاهد پرون رسنیو ته په یوه بیان کې کړې ده.
مخکې ځينو پاکستاني رسنیو راپور ورکړی و، چې ګنې د طالبانو مشر ملا هیبت الله اخندزاده په پاکستان کې جګړه ناجایزه بللې او دغه هېواد ته یې د جهاد لپاره د جنګیالیو تګ منع کړی.
مجاهد ویلي، چې ملا هیبت الله په دې اړه کوم فرمان نه دی ورکړی؛ بلکې په دې اړه د دوی د حکومت دارالافتا پرېکړه کړې ده.