د افغانستان د فوټسال ملي لوبډله د لویو وچو جام په سیالیو کې نن خپله لومړۍ سیالۍ د چک جمهوریت پر وړاندې څلور د څلور پر وړاندې مساوي کړه.
د افغانستان فوټبال فدراسیون ویلي دي چې یاده سیالي د تایلينډ په بنکاک ښار کې ترسره شوه چې دواړو لوبډلو څلور، څلور ګولونه ووهل.
د یاد فدراسیون په خبر کې راغلي دي چې افغانستان به په ب ګروپ کې خپله دویمه سیالي د موزمبیق پر وړاندې ترسره کړي.
د لویو وچو دغه سیالۍ به د اګست تر ۱۳مې نیټې دوام وکړي.
باید وویل شي چې افغانستان یوه اونۍ وړاندې د مرکزي اسیا په اتلوليو کې دویم مقام ګټلی و.