نن یو وار بیا کابل او ورڅېرمه ولایتونو کې د نسبتاً شدیدې زلزلې ټکانونه حس شوي دي.
تېره شپه هم د کابل په ګډون د افغانستان ځینې ولایتونه زلزلې ولړزول.
په دې زلزله کې هم چې د شپې پر ۸ بجو او ۳۰ دقیقې وشوه، د مالي او ځاني زیانونه راپور نه دی ورکړل شوی.
د امریکا د جیولوژیکې سروې ادارې ویلي چې د تېرې شپې زلزله د ریښتر په مقیاس پنځه اعشاریه اته درجې او مرکز یې هم د هندوکش د غرونو لړۍ وه.
د دې ادارې په خبره، د زلزلې ټکانونه د افغانستان ترڅنګ په پاکستان، هند، تاجکستان او ازبکستان کې هم احساس شوي دي.