د کابل په ګډون د افغانستان له یو شمېر سیمو څخه د زلزلې خبر ورکړل شوی.
په کابل کې د ازادي راډیو خبریال وایي، چې دغه زلزله زوروره نه وه.
سرچینې د زلزلې وخت د کابل په ساعت د شپې اته نېمې بجې شاوخوا ښودلې ده.
په ختیځ ولایت ننګرهار کې هم دغه زلزله محسوسه شوې ده.
د طالبانو د حکومت د اطلاعاتو او فرهنګ ریاست ویلي، چې په دغه ولایت کې زلزله نسبتاً چټکه وه.
سرچینه زیاتوي، چې تراوسه د دغې زلزلې د کوم ځاني یا مالي زیان معلومات نشته.
په لغمان او کونړ کې هم یو شمېر سرچینو د زلزلې د محسوسیدو تایید کړی.
د افغانستان په سویل ختیزو ولایتونو خوست او پکتیا کې هم د ازادي راډیو یو شمېر اورېدونکو د زلزلې خبر تایید کړی، خو ویلي، چې چټکه نه وه.
د زلزلې پېژندنې ادارو تراوسه په دې اړه څه نه دي ویلي.