د خیبر پښتونخوا د باجوړ سیمې د تېرې یکشنبې ورځې خونړي برید د قربانیانو شمېر ۶۳ ته لوړ شوی دی.
اسوشېټېډپرېس خبري اژانس په روغتونونو کې د یوشمېر ټپيانو له مړه کېدو وروسته پرون چهارشنبه دغه شمېرې خپرې کړي دي.
برید د یکشنبې په ورځ د مولانا فضل الرحمان په مشرۍ د جمعیت علمای اسلام پر یوه غونډه وشو چې مسوولیت یې داعش وسلهوالې ډلې ومانه.
د پاکستان دصدر اعظم شهباز شریف په ګډون بېلابېلو چارواکو د ملامتۍ ګوته افغانستان ته نیولې، خو طالب چارواکو تازه په دې اړه څه نه دي ویلي.
پخوا تر دې د طالبانو د بهرنیو چارو سرپرست وزیر امیرخان متقي ویلي، پاکستان دې د افغانانو د ملامتولو پر ځای خپل امنیتي تدابیر ټینګ کړي.