روسیې تېره شپه په دنیپرو ښار کې د اوکراین پر امنیتي دفتر توغندی وویشت چې له کبله یې یوې هستوګنې ودانۍ ته زیان واوښت.
د روسیې په دې برید کې د دوو ماشومانو په ګډون ۹ تنه ژوبل شوي دي.
د اوکراین ولسمشر ولودیمیر زیلینسکي دا حمله غندلې او هغه راکټي ترهګري بللې ده.
په وروستیو کې د روسیې ورته بریدونه زیات شوي، چې عامو خلکو ته هم د مرګ ژوبلې خبرونه پکې ورکول کیږي.
د دې ترڅنګ، وخت په وخت د روسیې خلاف هم ورته بریدونه زیات شوي، چې مسکو یې مسوولیت اوکراین ته راجع کوي.