روسیه کې یو ټکسي چلوونکی په ۱۸ کاله بند محکوم شو.
نن یوې محکمې دغې ټکسي چلوونکي ته چې تېر کال يې په کومسومولسک ان امور ښار کې د ملي ګارډ مرکزي دفتر ته اور اچولی و د ۱۸ کاله بند سزا واوروله.
ټکسي چلوونکی چې ولادیمیر زولوتاریوف نومېږي، محکمې يې دا عمل ترهګرۍ ته چمتووالی او د قانون پر پلي کېدونکو برید ګڼلی دی.
ټکسي چلوونکي په خپل جرم اعتراف نه دی کړی او ویلي دي چې دا کار یې پر اوکراین د روسیې د یرغل په اعتراض کې کړی دی.
د ۲۰۲۱ د فبروري راهیسې له کله چې مسکو پر اوکراین برید کړی دی په ټوله روسیه کې د پوځي تجهیزاتو پر مرکزونو او نورو ادارو د اورلګېدنې داسې په لسګونو بریدونه شوي دي.