ټاکل شوې چې د اوکراین ولسمشر ولودمیر زیلینسکي نن د لېتوانیا په پلازمېنه ویلنیوس کې د ناټو د سرمشریزې په څنډه کې د امریکا له ولسمشر جوبایډن سره وګوري.
زیلینسکي به چې په ناټو کې یې د اوکراین د شاملېدو په اړه د دې تړون د ژمنتیا پر نشتوالي مایوسي څرګنده کړې، نن د ناټو د سرمشریزې په دویمه او وروستۍ ورځ له بایډن او د بریتانیا د صدراعظم ریشي سوناک او د جرمني د صدراعظم اولاف شولتز په ګډون له یو شمېر نورو لوېدیځو مشرانو سره وګوري.
سوناک پرون وویل چې اووه پرمختللي صنعتي هېوادونه به د یوې موافقې چوکاټ لاسلیک کړي چې اوکراین ته اوږدمهاله امنیتي ضمانتونه ورکوي او هم دې هېواد ته اجازه ورکوي چې د جي اووه ډلې له غړیو سره دفاعي دوه اړخیز تړونونه لاسلیک کړي.
ناټو پرون په یوه بیان کې وویل، د اوکراین راتلونکې په ناټو کې د ننه ده او کییف ته د غړیتوب بلنه به وروسته له هغې ورکړي چې د دې تړون غړي موافقه وکړي او هم لازم شرایط پوره شي.