د کندهار په ميوند ولسوالۍ کې یوه ښځه په ښکاري ټوپک وژل شوې ده.
په کندهار کې د طالبانو د امنیې قومندانۍ ویاند مولوي صابر پېښه تاییدوي او وایي، په دې اړه څېړنې روانې دي، چې د فریدې په نوم دغه ۱۸ کلنې ښځې ځانوژنه کړې او که د بل چا له خوا ویشتل شوې او وژل شوې ده.
دا په داسې حال کې ده چې دوې ورځې مخکې د کندهار په عینو مېنه کې هم یوه ښځه د خپل خاوند لهخوا ویشتل شوې او وژل شوې وه.
تر اوسه د دغو دواړو پېښو علت نهدی معلوم.