د اوکراین د پلازمېنې کیيف د یوې ناحیې په محکمه کې له چاودنې وروسته د پولیسو څېړنې پيل شوي دي.
د ازادي راډیو د خبر مرکزي څانګې لیکلي، د محکمې دننه په ظاهره د یوه کس له خوا د یوې وسیلې له چوولو وروسته دغه چاودنه پرون ماذیګر مهال شوې ده.
د اوکراین کورنیو چارو وزارت ویلي، چاودنه د هغه کس له خوا شوې چې د محکمې یوې غونډې ته بلل شوی و.
وزارت په دې اړه خبرپاڼه کې د چاودنې له کبله د مرګژوبلې یادونه نه ده کړې او دا سپیناوی یې هم نه دی کړی چې دا چاودنه پر اوکراین د روسیې له یرغل سره کوم تړاو لري او که نه.