د اوکراین پلازمېنه کییف او څو نور لوی ښارونه تېره شپه د روسیې په راکټي بریدونو کې په نښه شول.
د کییف والي سیرهي پوپکو نن پر ټلګرام ولیکل چې د پلازمېنې د هوايي مدافعې سیستم د تېرې شپې په اوږدو کې د روسیې د ډرون پراخ بریدونه شنډ کړل او د ایران ساخت نږدې شل ډرونونه یې راوغورځول.
پوپکو زیاته کړه چې په تېرو اتلسو ورځو کې دا پر کییف د روسیې لومړۍ حمله وه.
د کییف والي همداراز وویل چې په پلازمېنه کې د هوايي حملو الارم څه باندې درې ساعته دوام وکړ.
هغه زیاته کړه چې د بېګانیو حملو د تلفاتو په اړه سمدستي جزییات نهشته.
د اوکراین د هوايي مدافعې ځواک ویلي چې له ټولو ۳۵ ډرونونو څخه ۳۲ د دوی له خوا غورځول شوي دي.