د ژغورنې ډلو نن هم په یونان کې د هغې بېړۍ د ډوبو شوو کسانو د موندلو عملیات پر مخ وړل چې پرون ډوبه شوه.
فرانس پریس لیکلي، دغې پېښه کې تر اوسه د ۷۸ کسانو د مړینې تایید شوی دی.
په یونان کې د سمندر غاړې ګارډانو ویلي، ۱۰۴ ډوب شوي کډوال یې ژغورلي دي.
داسې وېره شته چې د بېړۍ له ډوبېدو وروسته ممکن سلګونه کسان تري تم وي.
د یو اینایچ سي آر مسوولانو ویلي، ممکن دا پېښه په وروستیو کلونو کې د یونان په اوبو کې تر ټولو لویه غمیزه وي.
ویل شوي چې بېړۍ کې سپاره کسان تر ډېره د افریقایي هېوادونو اتباع وو.