د افغان ښځو لپاره د امریکا د بهرنیو چارو وزارت ځانګړې استازې رینا امیري د مور د ورځې په مناسبت افغان میندو ته د مبارکۍ ویلو ترڅنګ په بېلابېلو برخو کې د هغوی پر ملاتړ ټینګار کړی دی.
اغلې امیري پر خپله ټویټرپاڼه کښلي، دوی په افغانستان کې د مور د ورځې په ویاړ ټولو افغان میندو ته درناوی کوي او د هغوی د کار او تعلیم د حق ملاتړ ته ژمن دي.
له ډېرو کلونو راهیسې د جوزا ۲۴ مه په افغانستان کې د مور ورځ نومول شوې او په دې مناسبت د میندو د خندمتونو قدرونه کېږي.