د افغانستان کورني کرکټ په چوکاټ کې د میرویس نیکه په نوم د پیل شویو درې ورځنیو سیالیو په دوام نن شنبه د سپین غر ـ بند امیر او بوست ـ امو لوبډلو ترمنځ لوبې پیل شوي دي.
دغه سیالۍ د ننګرهار ولایت په غازي امان الله خان او شهید نجیب ترهکي په لوبغالو کې جریان لري.
بوست لوبډلې د خپلې توپوهنې پاڼۍ ترسره کړې ده او ټولټال یې ۱۵۹ منډې کړې دي.
اوسمهال امو لوبډله توپوهنه کوي.
د سپین غر پر وړاندې بیا د بند امیر لوبډلې ښه توپوهنه پیل کړې ده چې، تر دې دمه یې تر ۳۰۰ زیاتې منډې کړې دي.
دغه سیالۍ به دوه نورې ورځې هم دوام لري.