د هندوستان غوره لیګ یا آیپيایل سیالیو دویم پړاو نن په چینای ښار کې پیليږي.
د دې سیالیو په لومړي 'پلې اف' کې به د نومرو د جدول دوه مخکښې لوبډلې ګجرات ټایټانز او چینای سوپرکینګز سره سیالي وکړي.
دغه لوبه د کابل پر وخت ماښام شپږ نیمې بجې د چینای په ښار کې پیلېږي.
د ګجرات په لوبډله کې دوه افغان لوبغاړي راشدخان او نوراحمد هم لوبه کوي چې راشدخان د زیاتو وېکټو اخستونکو په کتار کې له محمد شامي سره برابر دی او ۲۴ لوبغاړي یې سوځولي دي.
د دې سیالۍ ګټونکی به نېغ په نېغه پایلوبې ته لار پیدا کوي او بایلونکی به د دویم پلې اف له ګټونکي سره د مې میاشتې په ۲۶مه نېټه مخ کېږي.
د پلې اف پړاو دویمه سیالي به د لکنو سوپرجاینټز او ممبي اینډیز ترمنځ د مې میاشتې په ۲۴مه نېټه ترسره شي.