افغانستان او پاکستان هوکړه کړې چې د سوداګرۍ اړیکي به پراخوي او د ډیورنډ کرښې په اوږدو کې د وسله والو فعالیتونه به راکموي.
دا په داسې حال کې ده چې د طالبانو د حکومت د بهرنیوچارو سرپرست وزیر امیرخان متقي نن پاکستان ته خپل څلورورځنی سفر پای ته ورساوه.
متقي پرون د پاکستان د بهرنیوچارو له وزیر بلاول بوټو زرداري سره په اسلام آباد کې وکتل.
د پاکستان د بهرنیوچارو وزارت په یوه بیان کې ویلي چې د افغانستان او پاکستان ترمنځ د دوه اړخیزې سوداګرۍ پرمختګ، د تروریزم پرضد مبارزه او د دوه اړخیزو اړیکو پراختیا د دې موافقې مهم اهداف دي.
متقي او زرداري له دې مخکې د چین د بهرنیو چارو له وزیر چن ګَنګ سره هم په درې اړخیزه غونډه کې ګډون وکړ.