د هندوستان غوره لیګ په ۳۹مه سیالۍ کې ګجرات ټایټانز لوبډلې د ۷ وېکټو په توپیر کلکته نایټ رایډرز لوبډلې ته ماتې ورکړه.
دغه سیالي چې د اپرېل په ۲۹مه نېټه ترسره شوه په دواړو لوبډلو کې درې افغان لوبغاړي هم ولوبېدل چې رحمنالله ګربز په کې د اغېزناک لوبغاړي جایزه وګټله.
ګربز چې پیلیزه توپوهنه یې کوله، د ۷ شپږیزو او ۵ څلوریزو پر مټ یې په ۳۹ توپونو ۸۱ منډې وکړې.
دا په یاد لیګ کې د نوموړي دویمه نیمه سلیزه وه.
دغه راز په دې سیالۍ کې د ګجرات لوبډلې په ګټه نوراحمد ۲ لوبغاړي وسوځول، هغه په ۴ اورونو کې ۲۱ منډې ورکړې.
راشدخان بیا په دې سیالۍ کې ښه ونه ځلېد، هغه پرته له کومې ویکټې اخیستلو په ۴ اورونو کې ۵۴ منډې ورکړې.
په دې لوبه کې کلکتې لوبډلې د ۱۸۰ منډو هدف ټاکلی و چې ګجرات د ۳ وېکټو په تاوان په ۱۸م اور کې پوره کړ.
د لوبې د غوره لوبغاړي جایزه بیا ایرلنډي جاش لېټل ته ورکړل شوه.
د ویلو ده چې د دې سیالۍ تر ګټلو وروسته ګجرات لوبډله د نومرو په جدول کې اول مقام ته ورسېده.