د خوړو نړیوال پروګرام وایي چې په افغانستان کې له بې وزلو سره د مرستې لپاره په راتلونکو شپږو میاشتو کې نهه سوه میلیونه ډالرو ته اړتیا لري.
د خوړو نړیوال پروګرام پرون په ټویټر کې ولیکل، په داسې حال کې چې په افغانستان کې لوږه ده، نړیواله ټولنه باید له دغه هېواد سره مرسته وکړي.
تر دې مخکې د خوړو نړیوال پروګرام خبرداری ورکړی و که چېرته مرستې په وخت تر لاسه نه کړي، پر نهه میلیونه افغانانو به خپلې مرستې بندې کړي.
د خوړو د نړیوال پروګرام د شمیرو له مخې په افغانستان کې نهه ویشت میلیونه کسان نن سبا خوراکي موادو ته ضرورت لري.