د چین د بهرنیو چارو وزارت پرون وویل چین له فلپین سره د خپلو اختلافاتو د حل لپاره کار ته لېوال دی.
دا څرګندونې داسې وخت کېږي چې د چین د جنوب په لانجمن سمندرګي کې د چین د چلند له کبله د دواړو لوریو ترمنځ کړکېچ زیات شوی، بلخوا فلپین د امریکا له متحدو ایالتونو سره خپله پوځي همکاري زیاته کړې ده.
د چین د بهرنیو چارو وزیر چین ګانګ په مانیلا کې له خپل فلپیني ساري انریک مانالو سره خبرې وکړې او وروسته به د فلپین له ولسمشر فردیناند مارکوس سره وګوري.
ولسمشر فریناند به وروسته واشنګټن ته لاړ شي چې د مې میاشتې پر لومړۍ نېټه د امریکا له ولسمشر جو بایډن سره وګوري.
چین خبرداری ورکړی چې د امریکا او فلپین ترمنځ د امنیتي اتحاد پیاوړتیا باید د چین امن او د قلمرو ګټو ته زیان وانه ړوي.