د امریکا متحده ایالات د شاوخوا ۳۲۵ ميلیون ډالرو په ارزښت اضافي پوځي مرستې اوکراین ته ورکوي.
د فرانس پرېس اژانس د راپور له مخې پنټاګون پرون چهارشنبې وویل، په دغو مرستو کې زیات شمېر د هاوان مرمۍ او مهمات شامل دي.
د لوړو تحرکاتو راکټي او توپچي سیسټمونو یا هیمارس، د توغندویو نور ډولونه او د ټانک ضد مهمات هم اوکراین ته د امریکا په پوځي مرستو کې شامل دي.
د امریکا وسلې او مهمات مستقیماً د جګړې لومړۍ کرښې ته استول کېږي.
دا په داسې حال کې ده چې اوکراین ویلي، د روسي ځواکونو پر ضد حملې ته تیاری نیسي.