د فارس خلیج د عرب هېوادونو، همداراز د مصر، عراق او اردن استازیو پرون د سعودي عربستان په جده کې پر دې خبرې وکړې چې سوریه بېرته له عربي ټولنې سره یوځای کړي.
د سعودي عربستان په نوښت د دې جوړې شوې غونډې په اړه د دغه هېواد د بهرنیو چارو د وزارت په اعلامیه کې راغلي چې په دې برخه کې کومه موافقه لاسلیک نه شوه.
یو شمېر مهمو عربي هېوادونو لکه مصر او متحد عربي اماراتو له سوریې سره اړیکې ښه کړي دي.
عربي ټولنې په ۲۰۱۱م کال کې د سوریې غړیتوب وروسته تر دې وځنډاوه چې ولسمشر بشار الاسد مظاهره چیان سخت وځپل.