د پاکستان د سند ایالت له محبسونو څخه ۱۹۰ افغان بندیان له خوشي کېدو وروسته پرون دوشنبې افغانستان ته واستول شول.
د طالبانو د بهرنیو چارو وزارت ویندوی حافظ ضیا احمد تکل وايي، دا کسان په کراچۍ کې د افغانستان د قونسلګرۍ او په اسلام اباد کې د سفارت په هلوځلو خوشې شوي او د طالبانو د حکومت په لګښت افغانستان ته استول شوي دي.
ده همداراز ویلي چې تر اوسه پورې د پاکستان له زندانونو څخه یوزرو ۸۹۳ تنه افغان بندیان خوشې شوي دي.