په اسلام اباد کې د افغانستان سفارت وایي، د تورخم دروازه نن پنجشنبه بېرته پرانيستل کېږي.
دغه سفارت تېر ماښام په یوه ټویټ کې وویل، د تورخم لار د مسافرو، ترانزیت او سوداګرۍ په مخ پرانيستل کېږي.
دغه لاره درې ورځې د تګ راتګ په مخ تړلې وه او طالبانو یې لامل د پاکستان لهخوا د ځینو ژمنو نه عملي کول یاد کړی و.
پاکستان پخوا ژمنه کړې وه چې عاجلو ناروغانو او پایوازانو ته به یې تورخم کې د یوه ځانګړي پروسېجر له لارې له ویزې پرته د تګ اجازه ورکوي، خو د راپورونو لهمخې تېره یکشنبه د یوه ناروغ له نه پرېښودو وروسته لانجه شوې او طالبانو لاره بنده کړه.
د تېرې دوشنبې په ورځ په تورخم کې د طالبانو او پاکستان پوله ساتي ځواکونه سره ونښتل چې طالبانو جګړه تایید نهکړه، خو پاکستاني لوري وویل، د ډزو تبادله کې یې یو سرتېری ټپي شوی دی.