د افغانستان لپاره د امریکا د سفارت شارژدافیره کرن ډېکر وایي، دې ته په پام چې افغان مېرمنې او نجونې اوس د زدهکړې له حق څخه بېبرخې دي، دا ستونزمنه ده چې نن د زدهکړې نړیواله ورځ ونمانځل شي.
کرن ډېکر نن په یوه ټویټ کې ویلې چې، ښوونه او روزنه د افغانستان پر راتلونکي پانګه اچونه ده او باید هلکان او نجونې تعلیم ته لاسرسی ولري.
په عین حال کې د کډوالو په چارو کې د ملګروملتونو د اسیا-فسفیک څانګې نن په یوه ټویټ کې ویلي، چې په هره کچه، د زدهکړې حق یو انساني حق دی او ترې انکار نهشي کېدای.
UNHCR نن د زدهکړې د نړیوالې ورځې په مناسبت ویلي، په افغانستان کې ښځې او نجونې باید د دې فرصت ولري چې خپلې بشپړې وړتیاوې وازمویي او د خپل هېواد په وده کې ونډه واخلي.
دې ادارې له خپل دې ټویټ سره يو شمېر لینکونه چې پرېږدئ، هغه زدهکړه وکړي، هم یوځای کړي دي.
له کله چې طالبان بیا پرافغانستان واکمن شوي، نجونې او ښځې یې له شپږم ټولګي پورته منځنیو، ثانوي او لوړو زده کړو څخه منع کړي دي.