سبا شپه د کابل پر وخت نهه نیمې ۹:۳۰ بجې د سعودي عربستان په ملک فهد لوبغالي کې رونالډو او میسي سره سیالي کوي.
د پاریس جرمن لوبډله چې په ترکیب کې یې لېونل میسي، نېمار او ګڼ نور مشهور فوټبال ستوري لوبېږي د سعودي عربستان د ریاضایلیون له لوبډلې سره لوبه ترسره کوي چې د کرسټیانو رونالډو ترڅنګ به د یاد هېواد د بېلابېلو کلبونو غوره لوبغاړي په کې ولوبېږي.
دا لوبه د فوټبال په نړۍ کې یوه جالبه سیالي شمېرل کېږي او د ځانګړي مېلمه د ټکټ بیه یې ۲.۶ میلیونه ډالرو ته رسېدلې ده.
د یادونې ده چې روانه اونۍ د هسپانیې د سوپر لیګ پایلوبه چې د ریال ماډریډ او بارسلونا ترمنځ وه، هم د ریاض په ملک فهد لوبغالي کې ترسره شوه.