د جرمني حکومت پر طالبانو غږ وکړ چې سمدستي دا پرېکړه بدله کړي چې په غیردولتي موسسو کې به مېرمنې کار نهکوي.
د جرمني د بهرنیو چارو د وزارت ویاند کرسټوفر برګر پرون په برلین کې وویل، په موسسو کې د ښځو کار د بشري مرستو د رسولو لپاره ډېر مهم دی.
نوموړي زیاته کړه چې له ښوونځیو او پوهنتونونو د نجونو راګرځول هم په هیڅ ډول د منلو نهدي.
ښاغلي برګر بیا وویل چې د جرمني د بهرنیو چارو وزارت له خپلو نړیوالو متحدانو سره له ډېر نژدې په ارتباط کې دی چې د دې پرېکړو په اړه څه وکړي.
طالبانو تېره اونۍ سې شنبې تر ثاني امر پورې له پوهنتون څخه نجونې منع کړې او د دې اونۍ په پیل کې یې وویل چې په موسسو کې دې مېرمنې کار نهکوي.