د امریکا د متحد ایالتونو د بهرنیو چارو د وزارت ویاند وویل چې، طالبانو د سې شنبې په ورځ دوه امریکایان خوشې کړل.
د نېډ پرایس په وینا داسې ښکاري چې طالبانو دا کار د ښه نیت د څرګندونو په هدف کړی وي.
نېډ پرایس چې پرون په واشنګټن کې خبرې غونډې ته خبرې کولې دا هم وویل چې متحد ایالتونه به له طالبانو سره په افغانستان کې د هر نیول شوي امریکایي د خوشې کېدو لپاره خبرو ته دوام ورکړي.
خو ښاغلي پرایس دا ونه ویل چې څومره امریکایان په افغانستان کې زنداني دي.