د ایران سپاه پاسداران انقلاب اسلامي ځواکونو د عراق په شمال کې د کردانو پر مرکزونو پر توغندیو او ډرون الوتکو برید کړی دی.
تهران دا کردان تورن کړې دي چې د ایران دننه په ناکراریو کې لاس لري.
د راپورونو له مخې اربیل هوایي ډګر ته څېرمه د ایراني کردانو، د کومله ګوند او د ایراني کردستان د ډیموکراتیک ګوند مشرانو مرکز په نښه شوی دی.
د ایراني کردستان د ګوند یو جګپوړی غړی محمد نظیف قادري د دې برید پرمهال چې وړمه ورځ وشو، ووژل شو.
بل لور ته د هنګاو په نوم په ناروې کې د بشري حقونو مېشته ډله وایي چې ایراني ځواکونو د ایران په لوېدیځ کې وړمه شپه د مریوان او جوانرود ښارونه هم ویشتلي دي چې لږ تر لږه ۱۳ تنه وژل شوي دي.