د طالبانو حکومت هغه راپورونه رد کړل چې په سپین بولدک – چمن پوله کې په پاکستاني عسکرو د برید په تړاو یو کس پاکستان ته سپارل شوی.
د طالبانو ویاند ذبیح الله مجاهد بېګاه ناوخته ازادي راډیو ته په یوه پیغام کې وویل چې د کوم کس د تسلیمولو خبر ناسم دی.
تر هغه مخکې ګڼ راپورونه خپاره شوي وو چې ګواکې د طالبانو حکومت هغه بریدګر پاکستاني لوري ته سپارلی چې یوه اونۍ مخکې یې یو پاکستانی عسکر په ډزو وواژه او دوه نور یې ژوبل کړل.
د همدې پېښې په خاطر پاکستاني لوري دروازه تړلې وه.
یکشنبه د دواړو خواو تر منځ تر خبرو وروسته پرېکړه شوې چې له دوشنبې ورځې به د خلکو او ټرانزیټ پر مخ چمن لار خلاصه شي.