د امریکا د دفاع وزارت پرون اعلان وکړ چې د ۴۰۰ میلیونه ډالرو نوره پوځي مرسته اوکراین ته لیږي.
په دې مرسته کې به په زیاته اندازه مهمات او څلور لوړ ګرځنده ایونجر هوايي دفاعي سیستمونه شامل وي.
د ملي امنیت سلاکار جیک سلیوان وویل، د دفاعي سیستمونو دا مرسته به اوکراین ته ځکه مهمه وي چې روسان کروز میزایلونه او هم د ایران په لاس جوړ شوي ډرون الوتکې کاروي.
د هیمارس توغندیزو سیسټمونه په دې مرستو کې شامل دي چې د اوکرایین دفاعي ځواکونو په بریالۍ توګه کارولي.
همدارنګه لس زره د هاوان مرمۍ، ۴۰۰ لاسي بمونه او لسګونه نور مهمات د امریکا لهخوا اوکراین ته استول کېږي.