د افغانستان د بدخشان ولایت او تاجکستان ځینې سیمې نن سهار یوې لزلې ولړزولې.
د امریکا د جیالوجۍ د ادارې د مالوماتو پر اساس، د دې زلزلې شدت د ریښتر په کچه ۵ اعشاریه ۴ درجې و او مرکز یې د بدخشان ولایت په جرم ولسوالي کې تر ځمکې ۱۰۳ کیلومتره لاندې اټکل شوی دی.
تر اوسه پورې د دې زلزلې له کبله د احتمالي مرګژوبلو او مالي تاوانونو په اړه څه نهدي ویل شوي.
د يادونې ده چې څه موده مخکې د افغانستان پکتيکا او خوست ولايتونو کې د زلزلو له امله سلګونه خلکو مرګژوبله واوښته.