په استرالیا کې د کرکټ د شلو اوورونو د سیالیو په لړ کې نن درې لوبې پلان شوې دي.
په لومړۍ مسابقه کې هالنډ وتوانېد جنوبي افریقا ته ماتې ورکړي، پاکستان له بنګله دېش لوبه وګټله.
دغه شېبه د هند او زیمبابوې ترمنځ مسابقه روانه ده.
هند د لوبې ټاس یا پچه وګټله او د بټنګ کولو پرېکړه یې وکړه، چې په ۲۰ اوورونو کې یې د ۵ لوبغاړو په سوځېدو سره زیمبابوې ته د ۱۸۷ منډو هدف وټاکه.
په څو شېبو کې به زیمبابوې د دې هدف د پوره کولو هڅه کوي.
افغانستان په دې جام کې خپله وروستۍ لوبه د تېرې جعې په ورځ کوربه استرالیا ته وبایلله او له دې جام سره یې مخه ښه وکړه.
د افغانستان په ګروپ کې انګلستان او نیوزیلنډ نیمه پایلوبې ته وتلي دي.