د پنجشېر لپاره د طالبانو د حکومت نوي والي پرون رسماً معرفي او خپله دنده یې پیل کړه.
د طالبانو تر کنټرول لاندې باختر دولتي اژانس راپور ورکړی چې مولانا محمد محسن هاشمي تر دې مخکې د کورنیو چارو وزارت مرستیال و.
د راپور له مخې هاشمي ویلي، خلکو ته خدمت کول او د امنیت تامین یې له لومړیتوبونو څخه دي.
په دې وروستیو کې پنجشېر د ملي مقاومت د جبهې او د طالبانو د خونړیو نښتو شاهد دی.
د دغو جګړو په پایله کې لسګونه کورنیو خپل کورونه پرېښي او ګاونډیو ولایتونو ته یې پناه وړې ده.