طالب چارواکو د خپل یو مهم قوماندان ملا قيوم ذاکر وژل کېدل رد کړل.
د طالبانو د دفاع وزارت ویاند عنایتالله خوارزمي نن سهار ازادي راډیو ته وویل، هغه روغ دی او ټپي شوی هم نهدی.
له پرون راهیسې د ملا قيوم ذاکر چې د طالبانو مشر هبتالله د پنجشېر د جګړې مسوول ټاکلی، د ټپي کېدو او بیا وژل کېدو خبرونه لاس په لاس کېدل.
طالبانو څو اووني مخکې ملاقیوم ذاکر د پنجشېر ا اندراب د جګړې لپاره د نوي قوماندان په توګه وټاکه.
په وروستیو ورځو کې په دغو سیمو کې د خونړیو پېښو راپورونه ورکړل شوي او ملګرو ملتونو په ګډون ګڼو نړیوالو سازمانونو یې په اړه د اندېښنو ترڅنګ د څېړنو غوښتنه کړې ده.