د افغانستان د کرکټ ملي لوبډله، د اسیایي جام د شل اوریزو لوبو په دوام نن ماښام د سریلانکا له لوبډلې سره د سیالۍ ډګر ته ننوځي.
دا لوبه د کابل په وخت د ماښام په شپږنیمو بجو د شارجې د کرکټ په لوبغالي کې په پام کې ده.
افغان لوبډله په تېرو دوو لوبو کې د بنګلدېش او سریلانکا د لوبډلو له ماتولو وروسته په څلورو غوره ټیمونو کې راغله.
د افغانستان بله لوبه به د چارشنبې په ورځ د وږي ۱۶مه د پاکستان او په سبا به یې د وږي ۱۷مه د هند له ځواکمنې لوبډلې سره وي.
د پاکستان لوبډلې بیګا د هانګ کانګ سیالې لوبډلې ته د ۱۵۵ منډو په توپیر ماتې ورکړه.
د اسیايي جام لوبې د سپټمبر تر یوولسمې پورې په متحده عربي اماراتو کې دوام کوي.