ناټو تړون وايي، یوه اته کسیزه افغانه کورنۍ چې له دغه تړون سره یې افغانستان کې کار کړی، امریکا د متحدو ایالتونو په نیت له شمالي مقدونیا روانه شوه.
د ناټو د خبرپاڼې له مخې، د شمالي مقدونیا حکومت او د سرې میاشتې ټولنې دغې کورنۍ ته سرپناه، د صحي څارنې او د کسب د زده کړې امکان برابر کړی دی.
د خبرپاڼې په وینا، شا و خوا ۲۰۰۰ هغه افغانان چې په افغانستان کې د ناټو د شل کلن حضور پر مهال یې له دغه تړون سره همکاري کړې د ۲۰۲۱م کال په اګست میاشت کې له افغانستانه لېږدول شوي دي.