د افغانستان لپاره د پاکستان سفیر منصور احمد خان وايي، په افغانستان کې یې کاري موده پای ته ورسېده.
هغه پرون په خپل ټویتر کې لیکلي، چې د طالبانو د بهرنیو چارو له سرپرست، امیر خان متقي سره یې د مخه ښې کتنه درلوده.
منصور احمد خان، له هغو څېرو دی، چې پر افغانستان د طالبانو د بیا واکمنېدو پر مهال هم پر خپله دنده و او د دوی تر واکمنۍ وروسته هم له فعالو کسانو ګڼل کېده.
هغه پرون د حزب اسلامي له مشر ګلبدین حکمتیار، د طالبانو د روغتیا له سرپرست وزیر قلندر عباد سره هم کتلي او د هغه له خوا ډالۍ هم ورکړل شوې ده.
زموږ همکار صالح محمد صالح، د باور غورځنګ له مشر، نجیب ازاد څخه د مرکې په پیل کې پوښتنه کړې، منصور احمد خان ولې بحث پاروونکې څېره وه؟
د ښاغلي نجيب ازاد مرکه د لاندې غږيز فايل په کليک کولو اورېدلی شئ:
Your browser doesn’t support HTML5
د نجيب ازاد مرکه