د جیو ټلوېزیون او ډېوې راډيو د راپورونو له مخې دې دولس کسیزه جرګه کې د قبایلي ضلعو مشران او حکومتي چارواکي شامل دي.
دوی غواړي د پاکستاني طالبانو له مشرانو سره خبرو ته دوام او سرعت ورکړي.
دا جرګه داسې وخت افغانستان ته تللې چې د جمعې په ورځ د پاکستاني عالمانو يو پلاوی له طالب چارواکو او پاکستاني طالبانو سره تر خبرو وروسته پاکستان ته ستون شوی.
یکشنبه کابل ته د تللې جرګې په چوکاټ کې د باجوړ نه د پاکستاني طالبانو د مهم قومندان فقير محمد ورور، پخوانی والي شوکت الله، د مومندو نه سناتور هلال الرحمان، د شمالي وزيرستان نه د جميعت علماء اسلام پخوانی سناتور صالح شاه او د خېبر پښتونخوا د وزير اعلا د اطلاعاتو سلاکار محمد علي سېف ترڅنګ دولس تنان شامل دي.
دا جرګې په دې هڅه کې دي چې پاکستاني طالبان او د پاکستان حکومت سره پخلا کړي او دایمي اوربند ته یې ورسوي.