د ایران د پلازمېنې تهران په شمال لویدیځ کې تر سختو اورښتونو وروسته بهېدلو سېلابونو ۷ کسان مړه کړي دي.
د ایران سرې میاشتې ټولنې ویلي، چې د مړو شمېر ښايي تر دې زیات شي.
د ایران د سرې میاشتې ټولنې مرستیال مرتضی مراديپور پرون تایید کړه چې دغه اووه کسان په البرز غرونو کې مړه شوي دي.
فارس خبري اژانس ویلي، ۱۴ کسان لادرکه دي او ۹ کسان ټپیان شوي دي.
دولتي اژانس ایرنا راپور ورکړی، چې په سېلاب ځپلو سیمو کې د ژغورنې عملیات روان دي.